You are here
Home > Hardware > Technology Explained > Huawei ဆားဗစ် ဝန်ဆောင်မှု စည်းမျဉ်းများ

Huawei ဆားဗစ် ဝန်ဆောင်မှု စည်းမျဉ်းများ

Huawei ရဲ့ Facebook page မှ တရားဝင်ဖော်ပြထားတဲ့ Huawei ရဲ့ ဆားဗစ် ဝန်ဆောင်မှု စည်းမျဉ်းများကို ပြန်လည်ဖော်ပြပေးလိုက်ပါတယ်။ Huawei က ဖုန်းအပြင်ကို ဘက်ထရီအားသွင်းကြိုးနဲ့ Adaptorနားကြပ်များ ကိုလည်း အာမခံပေးထားပါသေးတယ်။ ဒါကြောင့် အဲဒီထဲက ဘာပဲပြဿနာဖြစ်ဖြစ် Huawei service center ကိုသာ သွားရောက် ပြုပြင်သင့်ပါတယ်ဆိုတာ အကြံပြုလိုက်ပါတယ်။

• Huawei မှ တရားဝင် တင်သွင်းထားသော လက်ကိုင်ဖုန်းများအတွက် အာမခံ သက်တမ်း မှာ လက်ကိုင်ဖုန်း၊ ဘက်ထရီ အားသွင်းကြိုး နှင့် အားသွင်းခေါင်း များအတွက် (၁၂)လ၊ နားကြပ်များ အတွက် (၃)လ၊ ဘက်ထရီ (အသေ) အတွက် (၁၂)လ နှင့် ဘက်ထရီ (အရှင်) အတွက် (၆)လ အသီးသီး ခံစားခွင့် ရရှိမည် ဖြစ်ပါသည်။

• အာမခံကာလ အတွင်းတွင် အသုံးပြုသူကြောင့် မဟုတ်ဘဲ မည်သည့် Hardware (Factory Fault) ချို့ယွင်းမှု သုံးကြိမ် ဆက်တိုက် ဖြစ်ပေါ်လာပါက အသစ် တစ်လုံးလဲလှယ်ပေးပါမည်။

• Huawei Service Center များမှ စံချိန်စံညွှန်းပြည့်မှီသော ပစ္စည်းများဖြင့်သာ ပြုပြင်ခြင်း၊ အစားထိုး လဲလှယ်ပေးခြင်းများ ပြုလုပ်ပေးမည် ဖြစ်ပါသည်။ အာမခံသက်တမ်း အတွင်း အကျုံးဝင်သော ဖုန်းများ၏ ပြုပြင်စရိတ် များ၊အစားထိုးလဲလှယ်ပေးလိုက်သော ပစ္စည်းစရိတ်များ၊ ဝန်ဆောင်မှုစရိတ်များ အတွက် သုံးစွဲသူမှ ကျခံစရာ လိုအပ်မည် မဟုတ်ပါ ။ လဲလှယ်ပေးခဲ့ပြီးဖြစ်သော ပစ္စည်းအပောာင်းများကို Huawei မှ ပြန်လည် သိမ်းဆည်းမည် ဖြစ်ပါသည်။

• သုံးစွဲသူကြောင့် ဖြစ်ပေါ်လာသော ပျက်စီးမှုများ၊ ရေဝင်ခြင်းများ၊ ရေငွေ့ရိုက်ခြင်းများ၊ အာမခံစည်း ပျက်ပြယ်ခြင်းများ၊ ကြီးမား သော မျက်နှာပြင် ထိခိုက်ပွန်းပဲ့ ခြင်းများ၊ Custom Firmware များ တင်သွင်းခြင်း နှင့် အာမခံကဒ်ပြားပေါ်ရှိ အချက်အလက် များ ပြုပြင်ထားခြင်းများ၊ အခြားပြင်ပ ဖုန်းပြုပြင် ဆိုင်များတွင်ပြုပြင်ထားခြင်းများ အစရှိသော အကြောင်းအရာများနှင့် ပတ်သတ်ပြီး တစ်စုံတစ်ရာရှိခဲ့ပါက အာမခံ ခံစားခွင့်ပျက်ပြယ်မည် ဖြစ်ပါသည်။

• Huawei မှ တရားဝင် တင်သွင်းထားသော လက်ကိုင်ဖုန်း များ၊ အသစ်ထပ်မံထွက်ရှိလာမည့် လက်ကိုင်ဖုန်းများ နှင့် Huawei Service Center များမှ ဝန်ဆောင်မှုတို့နှင့် သက်ဆိုင်သော သတင်းအချက်အလက် များကို Huawei ၏ Hotline ဖြစ်သည့် ၀၁-၉၀၀၀၉၀၀ သို့ အသေးစိတ် ဆက်သွယ်စုံစမ်းမေးမြန်းနိုင်ပါသည်။

Thiha Bo Bo
Myanmar End User ကို အကောင်းဆုံးဖြစ်အောင် တင်ဆက်ပေးသွားပါ့မယ်... ကျွန်တော်နဲ့အတူ Blogger life ကို စိတ်ဝင်စားသူများ Guest blogger များကိုလည်း Myanmar End User မှာ ဝင်ရောက်ရေးသားဖို့ ဖိတ်ခေါ်ပါတယ်...
http://www.myanmarenduser.com

Similar Articles

Leave a Reply

This site uses Akismet to reduce spam. Learn how your comment data is processed.

Top