Bluetooth 5 စံသတ်မှတ်ချက်ကို တရားဝင် အတည်ပြုလိုက်ပြီဖြစ်ကြောင်း Bluetooth Special Interest Group မှ ထုတ်ပြန်ခဲ့သောကြောင့် ယခုအခါတွင် စမတ်ထုတ်ကုန် ထုတ်လုပ်သူများ အနေဖြင့် ၎င်းစံသတ်မှတ်ချက်ကို ထုတ်ကုန်များတွင် ထည့်သွင်းတည်ဆောက်နိုင်ပြီ ဖြစ်သည်။
မျိုးဆက်သစ် Bluetooth စံချိန်စံညွှန်းမှာ အကွာအဝေးများစွာ လွှမ်းခြုံနိုင်ပြီး အလွန်မြန်ဆန်သည်။ အခြားကြိုးမဲ့ နည်းပညာများနှင့်အတူ ကောင်းမွန်စွာ ပေါင်းစပ်အသုံးပြုနိုင်ကာ ပိုမိုကြီးမားသော message capacity ကို ထုတ်လွှင့်နိုင်သည်။ လက်ရှိ Bluetooth 4.2 protocol နှင့်နှိုင်းယှဉ်လျှင် Bluetooth 5 မှာ အကွာအဝေး ၄ ဆကြီးမားပြီး မြန်နှုန်းမှာ ၂ ဆပိုမိုသည့်အပြင် message capacity ထုတ်လွှင့်မှုတွင် ၈ ဆ အားကောင်းလာသည်။ ချိတ်ဆက်ထားသော ထုတ်ကုန်များအကြားတွင် ချိတ်ဆက်မှုမှာ ပိုုမိုစိတ်ချရပြီး အိမ်တွင်း အသုံးပြုရာတွင် အလွန်ကောင်းမွန်သည်။
Bluetooth 5 သည် နှစ်လမှ ခြောက်လအတွင်း ထုတ်ကုန်များ၌ ပါဝင်လာမည် ဖြစ်သည်။ Apple အနေဖြင့် iPhone 8 အပါအဝင် ၂၀၁၇ ခုနှစ်တွင်ထွက်ရှိမည့် ထုတ်ကုန်သစ်များ၌ Bluetooth 5 ထောက်ပံ့မှု ထည့်သွင်းဖွယ်ရှိသည်။
Ref: MacRumors
အင်တာနက်ဂျာနယ်မှ ကူးယူဖော်ပြသည်
