You are here
Home > Tech News > ဒီနှစ်အကုန်အတွက် Tim Cook ခန့်မှန်းလိုက်တဲ့ iPhone 7 Plus ရဲ့ ဝယ်လိုအား

ဒီနှစ်အကုန်အတွက် Tim Cook ခန့်မှန်းလိုက်တဲ့ iPhone 7 Plus ရဲ့ ဝယ်လိုအား

Apple ဟာ iPhone 7 Plus ရဲ့ဝယ်လိုအားနဲ့ညီအောင် အတတ်နိုင်ဆုံးကြိုးစားခဲ့ပေမယ့် စီအီးအို Tim Cook ကတော့ ရင်းနှီးမြုပ်နှံသူအစည်းအဝေးမှာ ဒီနှစ်ရဲ့နောက်ဆုံးသုံးလအတွက်ဝင်ငွေဟာ မျှော်မှန်းထားသလို မရနိုင်တဲ့အကြောင်း ပြောကြားခဲ့ပါတယ်။နောက်ဆုံးသုံးလအဆုံးမှာ ထောက်ပံ့/ဝယ်လိုအားဟာ မျှခြေမှာ ရှိနိုင်မလားဆိုတဲ့ ရင်းနှီးမြုပ်နှံသူတစ်ယောက်ရဲ့ အမေးကိုတော့ ဖြေဖို့ရာခက်ခဲတယ်လို့ဆိုခဲ့ပါတယ်။ iPhone 7 အတွက်ကတော့ ဖြစ်နိုင်ပေမယ့် iPhone 7 Plus အတွက်ကိုတော့ မသေချာဘူးလို့ ဆိုခဲ့ပါတယ်။ Product နှစ်ခုလုံးဟာ ဝယ်လိုအားတော်တော်ကောင်းတယ်ထင်ရပေမဲ့ iPhone 7 Plus နဲ့ ကျွန်တော်တို့ မှန်းခြေကြားမှာ ကွာဟချက်ရှိတယ်ထင်ရတဲ့အတွက် အခုအခြေအနေမှာ ဘာမှမပြောနိုင်သေးတာပါ လို့ Cook ကပြောကြားခဲ့ပါတယ်။
ဒါဟာ Apple အတွက် ဒီနှစ်ရဲ့ ပထမသုံးလမှာ ရောင်းအားတက်ခဲ့သလို မျှော်လင့်နေတဲ့ ကိစ္စတစ်ရပ်ပါပဲ။
holiday သုံးလဟာ Apple အတွက် အရေးကြီးတဲ့ကာလဖြစ်ပါတယ်။ ဒါ့ပြင် Galaxy Note 7 ကျရှုံးတာဟာ Apple အတွက် ကြီးမားတဲ့အခွင့်အရေးကြီးဖြစ်နေတဲ့အတွက် ဒီကာလအတွင်း Apple ကဝယ်လိုအားတွေတက်လာဖို့ မျှော်လင့်နေမှာပါ။
“ကျွန်တော်တို့ထုတ်သမျှတိုင်းကို ရောင်းနေတဲ့အချိန်မှာ ဝယ်လိုအားကိုခန့်မှန်းဖို့ဆိုတာ ခက်ခဲပါတယ်။ ဒီသုံးလအတွက် တော်တော်ကြိုးစားရမှာဖြစ်ပေမယ့် ရောင်းအားတက်ဖို့နည်းလမ်းတွေကို ကောင်းကောင်းလမ်းညွှန်ပေးနိုင်မယ်လို့ ယုံကြည်မှုရှိပါတယ်”
လို့ဆိုပါတယ်။
Apple ရဲ့ iPhone ရောင်းအားက နှေးသွားတာမျိုးမဟုတ်ပေမဲ့ နှစ်တိုင်းနှစ်တိုင်းရဲ့ တစ်ဖြတ်တစ်ဖြတ်ရောင်းအားတွေနဲ့ ယှဉ်ရင်တော့ကျသွားပါတယ်။ Apple က ဈေးကွက်မှာ ထိပ်ဆုံးပိုင်းနေရာလောက်မှာရှိဖို့ မှန်းထားတဲ့အတွက် စမတ်ဖုန်းတွေရဲ့ အခြေအနေအားလုံးပေါ်မှာ အရမ်းမူတည်နေပါတယ်။ Apple ကတော့ တခြားသော ပြိုင်ဘက်ထုတ်လုပ်သူတွေက ၎င်းကိုကျော်တက်နိုင်အောင် ဈေးနှုန်းတွေလျှော့နေတယ်ဆိုတာ မြင်ပါတယ်။
“ကျွန်တော်တို့ iPhone 7 , iPhone 7 Plus တို့ပေါ်မှာ အာရုံစိုက်နေပါတယ်။ ခုချိန်မှာ ကျွန်တော်တို့ ထုတ်ထားသမျှကိုရောင်းဖို့က အရေးကြီးတာကြောင့် ပြိုင်ဘက်တွေအကြောင်း စိတ်မဝင်စားနိုင်သေးပါဘူး။ ”
လို့ Apple ရဲ့ CFO Luca Maestri ကပြောကြားခဲ့ပါတယ်။ ကုမ္ပဏီအတွက်ခြုံစဉ်းစားပြီးလုပ်မယ်ဆိုရင် ဝင်ငွေတိုးလာမယ်ဆိုတာယုံကြည်ပါတယ်။ ဒါကြောင့်လမ်းညွှန်တဲ့အခါ ပစ္စည်းတစ်မျိုးတည်းအတွက် ဦးစားပေးမှာမဟုတ်ဘဲ အကုန်လုံးကိုဦးတည်ပါတယ်။ ဒါကြောင့် iPhone ရဲ့ ရှေ့ဆက်မယ့် နည်းလမ်းအတွက် လုံးဝယုံကြည်မှုရှိပါတယ်လို့ ဆိုပါတယ်။
iPhone 7 Plus ရဲ့ ဝယ်လိုအားဟာ သူထောက်ပံ့ပေးတာထက် ကျော်လွန်တဲ့အတွက် တင်ပို့မှုမှာ ကြန့်ကြာနေတာဖြစ်ပါတယ်။ iPhobe 7 Plus ကို ဝယ်မယ်ဆိုရင်တော့ တင့်ပို့မှုက ရက်သတ္တပတ်ပေါင်းများစွာ စောင့်ရမှာဖြစ်ပါတယ်။ Apple ကတော့ iPhone 7 Plus ကို ခန့်မှန်းထားတဲ့ ဝယ်လိုအားကိုရောက်ဖို့ နည်းလမ်းတစ်ခုကို တတ်နိုင်သလောက်ရှာဖွေနေပါတယ်။

ဆန်းစစ်သူတယောက်ကတော့ ” ထောက်ပံ့မှုများများသာပေးနိုင်ရင် ဒီနှစ်အကုန်မှာ မျှခြေမှာရောက်နိုင်မှာလား ” လို့ မေးခွန်းထုတ်ထားပါတယ်။

Myanmar Mobile App မှ ကူးယူဖော်ပြသည်

Thiha Bo Bo
Myanmar End User ကို အကောင်းဆုံးဖြစ်အောင် တင်ဆက်ပေးသွားပါ့မယ်... ကျွန်တော်နဲ့အတူ Blogger life ကို စိတ်ဝင်စားသူများ Guest blogger များကိုလည်း Myanmar End User မှာ ဝင်ရောက်ရေးသားဖို့ ဖိတ်ခေါ်ပါတယ်...
http://www.myanmarenduser.com

Similar Articles

Leave a Reply

This site uses Akismet to reduce spam. Learn how your comment data is processed.

Top