You are here
Home > Hardware > Buying Guides > အွန်လိုင်းမှာ ဈေးရောင်း ၊ ဈေးဝယ်လုပ်သင့်သည့် အချက် ၇ ချက်

အွန်လိုင်းမှာ ဈေးရောင်း ၊ ဈေးဝယ်လုပ်သင့်သည့် အချက် ၇ ချက်

အင်တာနက်သုံးစွဲမှု ပြန့်နှံ့အားကောင်းလာသည်နှင့်အမျှ မြန်မာနိုင်ငံမှာ အွန်လိုင်းစီးပွားရေးလုပ်ငန်းများဟာ တစ်စထက် တစ်စ တိုးတက်များပြားလာနေတာတွေ့ရပါတယ်။ အထူးသဖြင့် လွန်ခဲ့တဲ့နှစ်နှစ်ဝန်းကျင်က အွန် လိုင်းကနေ ဈေးဝယ်ခြင်းဆိုတာ အိမ်မက်တစ်ခုလို့ ထင်မြင်မိကောင်း ထင်မြင်မိပါလိမ့်မယ်။ ဒါမှမဟုတ် မြန်မာ နိုင်ငံမှာ မရနိုင်တဲ့ပစ္စည်းတွေကို နိုင်ငံခြားက အထူးတစ်လဲမှာယူတဲ့နေရာမှာ သုံးတဲ့လုပ်ငန်းတစ်ခုအဖြစ် သိရှိ ကောင်း သိရှိထားကြပေလိမ့်မယ်လို့ အခုအချိန်မှာ အွန်လိုင်းမှ ေဈးဝယ်ခြင်း၊ အွန်လိုင်းက ေဈးရောင်း ခြင်းဆို တာ အပြင်မှာ နေ့စဉ်ဈေးထွက်ဝယ်သလိုပဲ နေ့တစ်ဓူ၀ ထိတွေ့ရတဲ့ လုပ်ငန်းတစ်ခုအဖြစ် ပြောင်းလဲလာခဲ့ ပါပြီ။ ဘာကြောင့် အွန်လိုင်းဈေးရောင်းဈေးဝယ်ခြင်း အယူအဆနဲ့ လုပ်ငန်းဟာ မြန်မာနိုင်ငံမှာ နှစ်နှစ်ဆို တဲ့ကာလ အတွင်းမှာ အောင်မြင်မှု အသီးအပွင့်ဆီသို့ ရရှိလာပါသလဲ။ အဓိကတော့ ဖြေဆိုသူတွေအမြင်၊ ရောင်းသူ၊ ဝယ်သူစတဲ့ အလုပ်အကိုင်မတူညီမှုနဲ့ အတွေ့အကြုံပေါ်မှာ မူတည်ပြီး အနည်းငယ်ကွဲပြားသွား နိုင်ပေမဲ့ အခြေခံကျတဲ့ အချက်ခုနှစ်ချက်ရှိနေပါတယ်။

ရောင်းသူဘက်မှ ချဉ်းကပ်ကြည့်ခြင်း

ရန်ကုန်မြို့လယ်မှာ တိုက်ခန်းဝယ်ပြီး ဆိုင်ဖွင့်ဖို့ကြိုးစားနေခြင်းဟာ အသေးစားလုပ်ငန်းလေးတွေနဲ့ တစ်ပိုင် တစ်နိုင်လုပ်ငန်းလေးတွေ အခြားနေရာမှာ ရင်းနှီးမြှုပ်နှံမှု လုပ်ဖို့အတွက် အားလျော့စေနိုင်ပါတယ်။ ပြီးတော့ ဒီလို ရန်ကုန်မြို့လယ်က ဈေးရောင်းဈေးဝယ်ကောင်းမယ့် အချက်အခြာနေရာတစ်ခုက ကျပ် သိန်း သောင်းဂ ဏန်းမက ကုန်ကျနိုင်ပါတယ်။ တကယ်လို့ ငှားရန်လုပ်ကိုင်မယ်လို့ တွေးထားပါလား။ အနည်းဆုံး တစ်လ ကျပ် သိန်း ၂၀ ဝန်းကျင်ပေးရပါလိမ့်မယ်။ သို့တိုင်အောင် သင်လိုချင်သောနေရာကို လက်ညှိထိုးပြီး ယူလို့မရနိုင်ပါ။ အခန်းငှားခ တစ်လ ကျပ် သိန်း ၂၀ ဝန်းကျင်လောက်ပေးဖို့အတွက် တစ်လရောင်းအား ဘယ်လောက်ရှိရ မယ်လို့ တွေးမိပါသလဲ။ဟုတ်ကဲ့ ဒီနေရာမှာတင် ခေါင်းမှုသွားလောက်ပါပြီ။ အခုအချိန်ဟာ သမရိုးကျအတွေး အခေါ်နဲ့ လုပ်ထုံးလုပ်နည်းတွေကနေ လွတ်မြောက်တဲ့နယ်ပယ်တစ်ခုကို ချဲ့ထွင်ရမှာဖြစ်ပါတယ်။

၁။ အရင်းအနှီးကုန်ကျစရိတ် မြောက်များစွာမလိုအပ်ခြင်း

အွန်လိုင်းမှာ ဈေးရောင်းဖို့အတွက် အရင်းအနှီးဘယ်လောက်လိုအပ် ပါသလဲ။ ဟုတ်ကဲ့ ကိုယ်လုပ်ချင်တဲ့ လုပ်ငန်း ကိုယ်လုပ်ချင်တဲ့ အတိုင်းအတာပေါ်မှုတည်ပြီးတော့ ကုန်ကျစရိတ်အမျိုးမျိုးကို ခန့်မှန်းပြောဆိုကြပါ လိမ့်မယ်။ အထက်မှာပြောခဲ့သလိုပါ ဆိုင်ခန်းငှားကကို တွက်ကြည့်မယ်ဆိုရင်ကိုပဲ အခုအချိန်အထိ  အွန်လိုင်းမှာ ကိုယ်ရောင်းချင်တဲ့ ပစ္စည်းကို တင်ရောင်းတာလောက် အကုန်အကျ သက်သာမယ့် နည်းလမ်း မရှိတော့ပါဘူး။

၂။ သတင်းအချက်အလက်အလွယ်တကူရခြင်း

ကိုယ်ဘာလုပ်မယ်နဲ့ ကိုယ်ဘာရောင်းမယ်ဆိုတာ မပြောခင်မှာ ကိုယ်မှာ ဝက်ဆိုဒ်တစ်ခုလောက်ရှိထားမယ် ဆိုရင် တစ်ကမ္ဘာ့လုံးနဲ့ ဆက်သွယ်ပြီးသားဖြစ်သွားမှာဖြစ်ပါတယ်။ ကိုယ်ရဲ့ ဝက်ဆိုဒ်ကို ကြေငြာနိုင်မှု၊ အစီအစဉ်ကျ စုံလင်မှုနဲ့အတူ အင်တာနက်က အကြောင်းအရာ တစ်ခုကို ခေါက်ရှာတိုင်းမှာ ကိုယ့်ကို အသစ် အသစ်သောသူတွေနဲ့ ကိုယ့်ကို မိတ်ဆက်ပြီးဖြစ်မှာကတော့ အင်တာနက်ပေးတဲ့ အားသာချက်ပါ။ ဝက်ဆိုဒ် တစ်ခုလုပ်တာ ဘယ်လောက်ကုန်ပြီး ဘယ်လောက်ကြာမယ်ထင်ပါသလဲ ။ google ကိုဖွင့်ပြီး အခုပဲရှာကြည့် လိုက်ပါ။ သင် တစ်နာရီလောက်အတွင်းမှာ ဝက်ဆိုဒ်ပုံစံကအစ ကိုယ်ရောင်းချင်တဲ့ ထုတ်ကုန်နဲ့ ကိုက်ညီအောင် ရေးဆွဲထားပြီး အလကားရနိုင်မယ်ဆိုတာ သင်တွေ့ရပါမှာဖြစ်ပါတယ်။ တကယ်လို့ သင်အနေနဲ့ ကိုယ်ပိုင်ဒီဇိုင်း တစ်ခုအပ်ပြီး အပိုင်း domain တစ်ခုဝယ်မယ်ဆိုရင်လည်း တစ်နှစ် ဒေါ်လာတစ်ရာအောက်နဲ့ ရရှိနိုင်ပါတယ်။

၃။ လုပ်ငန်းကြီးများကို ယှဉ်ပြိုင်နိုင်ခြင်း

သတင်းအချက်အလက်နဲ့ နည်းပညာခေတ်ရဲ့ အားသာချက်က လုပ်ငန်းငယ်လေးတွေဟာ လုပ်ငန်းကြီးနည်းတူ ဈေးကွက်ထိုးဖောက် ယှဉ်ပြိုင်နိုင်မှုမှာ အားကောင်းစေတဲ့အချက်ပါပဲ။ ပြင်ပမှာ ဘယ်လိုမှ မပြိုင်နိုင်လောက်ဘူး လို့ ယူဆထားရတဲ့ ကုမ္ပဏီကြီးဟာ အွန်လိုင်းမှာ သင်လို့ ဝက်ဆိုဒ်ကလေးတစ်ခုသာဖြစ်နေမှာပါ။ မှန်မှန်ကန် ကန်နဲ့ သုံးသပ်ပြီး နည်းပညာနဲ့ ဇွဲလုံလိုက်မယ်ဆိုရင် အဆိုပါလုပ်ငန်း လေးကနေ လုပ်ငန်းကြီးတစ်ခု မကြာခင် မှာ စွမ်းဆောင်လာနိုင်ပါလိမ့်မယ်။ နောက်ဆုံးတစ်ခုပြောပြချင်ပါသေးတယ်။ အွန်လိုင်းဈေးရောင်းဈေးဝယ် ပလပ်ဖောင်းတစ်ခုဖြစ်တဲ့ kaymu.com.mm လို့မျိုး shop.com.mm  လိုမျိုး ပျံ့နှံမှုအားကောင်းတဲ့ ဈေးရောင်း ဈေးဝယ် ဝက်ဆိုဒ်တွေနဲ့ ချိတ်ဆက်ပြီးရောင်းချမယ်ဆိုရင်သင့်အတွက် မိနစ်ပိုင်းအတွင်းမှာပဲ ကိုယ်ရဲ့ ဈေး ရောင်းမှုလုပ်ငန်းစဉ်ကို အခမဲ့စတင်နိုင်မှာဖြစ်ပါတယ်။ ကိုယ်ဘာလုပ်မလဲ ဆိုတာ ကိုယ်ဘာသာရွေးချယ်ရမှာ ဖြစ်ပါတယ်။

၄။ အကန့်အသတ်မရှိသည့် ဈေးကွက်ကို ပိုင်ဆိုင်နိုင်ခြင်း

အထက်မှာဖော်ပြခဲ့သလိုပါပဲ သတင်းအချက်အလက်ပြန့်နှံ့ အားကောင်းခြင်း၊ လွယ်ကူခြင်းဟာ အင်တာနက်ခေတ်ရဲ့ အားသာချက်ပါ။ အွန်လိုင်းစီးပွားရေးလုပ်ငန်းတစ်ခုဟာ ကမ္ဘာ့ရဲ့ မည်သည့် အရပ်ဒေသကို မဆိုရောက်ရှိနိုင်တဲ့အတွက် သင်ရဲ့ စီးပွားရေးဟာ ဆုံးဖြတ်ပြီး အွန်လိုင်းပေါ်ကိုတက်လိုက်တာနဲ့ လူဦးရေသန်း ၆၀၀၀ ကျော်သောဈေးကွက်ကို မျှော်မှန်းလို့ရပါပြီ။

၅။ အတိုင်းအဆမရှိဈေးကွက်ပျံ့နှံ့လာမှု

တစ်ကမ္ဘာလုံးမှာ  လူတိုင်းအတွက် အင်တာနက်ဆိုပြီးတော့ ကြွေးကြော်သံတွေ  ပြန့်နှံ့လာနေတာသင်တွေ့ရမှာ ဖြစ်ပါတယ်။ ဒါဟာ အွန်လိုင်းကနေစီးပွားရေးလုပ်ဖို့ ကြိုးစားနေတဲ့ သင့်အတွက် အခွင့်အလမ်းကြီးပါ။ အင်တာနက်နဲ့ ချိတ်ဆက်တဲ့ လူဦးရေတိုးတက်လာလေလေ သင့်အတွက် ဈေးကွက် ပိုကျယ်ပြန့်လေလေ မဟုတ်ပါလား။ အခု ကမ္ဘာ့ခေါင်းဆောင်တွေ ဦးဆောင်အဖွဲ့အစည်းတွေက ကမ္ဘာပေါ်မှာ အင်တာနက်နဲ့ ချိတ်ဆက်မှုမရှိတဲ့ သူမရှိရလေအောင် ကြံစည်နေပါပြီ။ သင့်အတွက်တော့ ထီပေါက်သလိုပါပဲ။

၆။ ဖောက်သည်နှင့် တိုက်ရိုက် ထိတွေ့နိုင်ခြင်း

ဖောက်သည်နှင့် တိုက်ရိုက်ထိတွေ့ပြီး သူတို့ဆီက မှတ်ချက်တွေ အကြံပြုချက်တွေက သင့်လုပ်ငန်းအောင်မြင်မှု အတွက် အရေးပါလှပါတယ်။ဟုတ်ကဲ့ အွန်လိုင်းက အဲဒီအားသာချက်လည်းရှိပါတယ်။ ဖောက်သည်တွေ ဒါမှမဟုတ် ပါဝင်ပတ်သက်နေတဲ့သူတွေဘက်က အကြံပြုချက်၊ တုန့်ပြန်ချက်တွေကို တိုက်ရိုက်ရရှိနိုင်ဖို့ရာမှာ အွန်လိုင်းက စီးပွားရေးလုပ်ငန်းတွေက ပိုမိုအားသားမှုရှိတာတွေ့ရမှာဖြစ်ပါတယ်။

၇။ ပွင့်လင်းမြင်သာမှု

၂၁ ရာစုမှာ ပွင့်လင်းမြင်သာမှုဆိုတဲ့ စကားလုံးက အရမ်းကို အရေးပါလာပါတယ်။ အဲ့လိုပွင့်လင်းမြင်သာမှုကို ဖောက်သည်တွေကိုယ်တိုင်းက တောင်းဆိုလာနေပါတယ်။ အထက်က ပြောခဲ့သလိုပါပဲ ဖောက်သည်နဲ့ အမြဲထိတွေ့မှုရှိနေပြီဆိုမှတော့ ပွင့်လင်းမြင်သာမှုဆိုတာအတွက် စိုးရိမ်စရာမရှိတော့ပါဘူး။ ဥပမာအားဖြင့် မြန်မာနိုင်ငံမှာ စီးပွားရေးလုပ်ငန်းများရဲ့ ပွင့်လင်းမြင်သာမှု တာဝန်ယူမှု တာဝန်ခံမှုနဲ့ ပတ်သက်ပြီးတော့ အစီရင်ခံစာတွေထုတ်ပြန်နေတဲ့ MCRB ဟာ လုပ်ငန်းတစ်ခုဟာ ဝက်ဆိုဒ်ရှိမရှိကို ဦးတည်ပြီးတော့ တိုင်းတာ ဖြစ်ပြီး သင်လုပ်ငန်းဟာ အွန်လိုင်းပေါ်မှာမရှိခဲ့ရင် တစ်မျိုးထင်သွားနိုင်စရာ အကြောင်းရှိပါတယ်။

ဝယ်ယူသူဘက်မှ ချဉ်းကပ်ကြည့်ခြင်း

စီးပွားရေးလုပ်ငန်းတစ်ခုအတွက် ရောင်းလိုအားနဲ့ ဝယ်လိုအား၊ လုပ်ငန်းလည်ပတ်မှု ကုန်ကျစရိတ်တွေဟာ အရေးပါလှပါတယ်။လုပ်ငန်းလည်ပတ်မှုကုန်ကျစရိတ် နည်းလာတာနဲ့အမျှ ရောင်းချမှုအားကောင်းလာတာနဲ့ အမျှ ပစ္စည်းတစ်ခုရဲ့ ရောင်းဈေးဟာ ကျဆင်းလာမှာဖြစ်ပြီး စားသုံးသူအတွက် အလွန်တရာ အကျိုးရှိလှပါ တယ်။

၁။ ဈေးနှုန်းသက်သာမှု

အွန်လိုင်းကဈေးရောင်းတဲ့သူတစ်ယောက်ရဲ့ လုပ်ငန်းလည်ပတ်မှု ကုန်ကျစရိတ်က အပြင်ထက် သက်သာနေပြီးသားဖြစ်တဲ့အတွက် အွန်လိုင်းပေါ်က ဈေးနှုန်းတွေဟာ ပိုမိုသက်သာနေသေချာပါတယ်။ နောက်ထပ် သက်သာမှုတစ်ခုကတော့ သင်ဟာ အင်တာနက်ကို ဖွင့်ပြီး ကိုယ်ဝယ်ချင်တဲ့ ပစ္စည်းကို တစ်ထိုင်တည်းနဲ့ ရှာဝယ်လိုက်ရုံပါဖြစ်တဲ့အတွက် သင့်အနေနဲ့ သွားလာမှု ကုန်ကျစရိတ်မရှိပါဘူး။

၂။ လွယ်ကူမှု

အထက်မှာပြောခဲ့သလိုပါပဲ အင်တာနက်ကနေ တစ်ခုခုဝယ်ယူဖို့ သင်အချိန်ဘယ်လောက်ပေးရမယ်လို့ ထင်ပါသလဲ။ သင့်မှာ အီးမေးလ်နဲ့ အွန်လိုင်းကနေ ငွေပေးချေလို့ရမယ့် ကတ်တစ်ခုရှိမယ်ဆိုင် မိနစ်ပိုင်းအတွင်းမှာ အွန်လိုင်းကနေ ဝယ်ယူမှုလုပ်ငန်းစဉ်ပြီးစီးနိုင်ပါတယ်။

၃။ ငွေပေးချေမှုစနစ်

မြန်မာနိုင်ငံမှာ ကတ်စနစ်နဲ့ အွန်လိုင်းငွေပေးချေးမှုစနစ်သိပ်မထွန်းကားသေးချိန်ဖြစ်တဲ့အတွက် ဥပမာ kaymu.com.mm ၊ shop.com.mm တို့လိုဈေးရောင်းဈေးဝယ်ဆိုဒ်တွေအနေနဲ့ ပစ္စည်းရောက်မှ ငွေပေးလိုက်ရုံပါပဲ။ ဒါဟာ စားသုံးသူအတွက် နည်းတဲ့အခွင့်အရေးတော့ မဟုတ်ပါဘူး။ ပစ္စည်းမရောက်မချင်း ကိုယ့်ထဲက တစ်စုံတစ်ရာ ဆုံးရှုံးရခြင်းမရှိလို့ပါပဲ။

၄။ ဈေးနှုန်းနှင့် အရည်အသွေးကို လွယ်လွယ်ကူကူနှိုင်းယှဉ်နိုင်ခြင်း

အွန်လိုင်းကဈေးဝယ်ခြင်းရဲ့ အားသာချက်ထဲနောက်တစ်ချက်ကတော့ ဈေးနှုန်းနဲ့ အရည်အသွေးတွေကို ကိုယ့်စိတ်ကြိုက်ရွေးချယ်နိုင်မှုပါပဲ။ အွန်လိုင်းမှာကိုယ်ဝယ်ချင်တဲ့ ပစ္စည်းရဲ့ဈေးနှုန်းနဲ့ အယှဉ်အသွေးကို လွယ် လွယ်ကူကူနဲ့ ရှာဖွေနိုင်ယှဉ်နိုင်ပါတယ်။ အပြင်မှာဆိုရင် စင်တာတစ်ခုကနေ အခြားစင်တာတစ်ကို သွားဖို့ ဆိုင်တစ်ဆိုင်က ပစ္စည်းနဲ့ အခြားဆိုင်က ပစ္စည်းတစ်ခုကို တိုင်းတာနှိုင်းယှဉ်ဖို့ဆို အချိန်ကုန် လူပင်ပန်းပြီး မလွယ်ကူတဲ့ ကိစ္စတစ်ခုဆိုတာ ဈေးဝယ်ဖူးတဲ့ သူတိုင်း သိပါတယ်။

၅။ စားသုံးသူအခွင့်အရေး

ဟုတ်ကဲ့ အွန်လိုင်းကဈေးရောင်းဖို့ ကြိုးစားတဲ့သူတွေဟာ စွန်းဦးတီထွင်လုပ်ကိုင်သူတွေဖြစ်တဲ့အတွက် သူတို့ဟာ စားသုံးသူအခွင့်အရေးကို ဂရုစိုက်ရပါလိမ့်မယ်။ အွန်လိုင်းရဲ့ အားသာချက်ကို အသုံးပြု စီးပွားရေး လုပ်ကိုင်နေတာဖြစ်တဲ့အတွက် လူမှုကွန်ရက်စာမျက်နှာများရဲ့ စွမ်းအားကို သူတို့ကောင်းကောင်းနားလည်ကြ မှာဖြစ်ပါတယ်။ အွန်လိုင်းစားသုံးသူကို ပိုမိုအခွင့်အရေးပေးရမယ်ဆိုတာ သူတို့က နားလည်ထားကြပါလိမ့်မယ်။  ဥပမာအားဖြင့် အရည်အသွေးမမှီတဲ့ ပစ္စည်းတစ်ခုကို ရောင်းချလိုက်မိမယ်ဆိုပါတော။့ အဲဒီပစ္စည်းကို ဈေးဝယ် သူက လက်မခံနိုင်တဲ့ အရည်အသွေးဖြစ်သွားမယ်ဆိုရင် စားသုံးသူက သူအသုံးပြုခဲ့တဲ့ လူမှုကွန်ရက် အားကိုးနဲ့ ပြန်လည် တုံ့ပြန်ပါလိမ့်မယ်။ ဒါဟာ အွန်လိုင်းက စီးပွားရေးလုပ်နေသူရဲ့ ဂရုပြုရမယ့် အချက်ဖြစ်လို့ စားသုံးသူ အရေးကို သူတို့ ဂရိုစိုက်ကို စိုက်ရပါလိမ့်မယ်။ နောက်တစ်ခု စားသုံးသူတွေအတွက် အခွင့်အရေးကတော့ အင်တာနက်ကနေ စားသုံးသူက နှိုင်ယှဉ်ကြည့်နေသလို ရောင်းသူအချင်းချင်းကလည်း ပြိုင်ဆိုင်နေကြမှာ ဖြစ်တဲ့အတွက် ယှဉ်ပြိုင်မှုအရ ဈေးနှုန်းသက်သာမှုနဲ့ အထူးအစီအစဉ်တွေကို ထပ်ဆောင်းရရှိနိုင်ပါလိမ့်မယ်။

၆။ သတင်းအချက်အလက်ဦးစွာရရှိနိုင်ခြင်း

ဈေးရောင်းသူဘက်က အားသာချက်တွေကလည်း ဈေးဝယ်သူတွေအတွက် အားသားချက်တွေပါပဲ။ သတင်းအချက်အလက်စီးဆင်းမှု အားကောင်းမှုကြောင့် ဆုံးဖြတ်ချက်ချရာမှာ မှန်မှန်ကန်ကန်ချနိုင်လာပါတယ်။ အွန်လိုင်းက ဈေးရောင်းဈေးဝယ်သူတွေဟာ သူတို့ရဲ့ သတင်းအချက်အလက်တွေကို အွန်လိုင်းကနေဖြန့်ဖြူး မှုမှာ ကျွမ်းကျင်ပြီးသားဖြစ်တဲ့အတွက် သူတို့ရဲ့ အထူးဦးစားပေးအစီအစဉ်တွေကို သူတို့ရဲ့ အလားအလာရှိတဲ့ ဖောက်သည်တွေဆီကို ရောက်အောင်ဖို့ပေးနေမှာဖြစ်ပါတယ်။

၇။ အငြင်းပွားမှုတွင် ကြာခံပေးခြင်း

အကယ်လို့ အွန်လိုင်းကဈေးဝယ်ယူမှုမှာ အငြင်းပွားမှုတစ်စုံတစ်ရာဖြစ်ပေါ်လာခဲ့မယ်ဆိုရင် ရောင်းချသူများနဲ့ ဝယ်ယူသူကြားမှာ ပစ္စည်းပို့ဆောင်ပေးသူ၊ ဘဏ်ကနေငွေလွှဲမယ်ဆိုရင် ဘဏ်စတဲ့ အဖွဲ့အစည်းတွေအပြင် ရောင်းချသူဟာ အွန်လိုင်းပလပ်ဖောင်းတစ်ခုခုနဲ့ ချိတ်ဆက်ထားတဲ့အတွက် အငြင်းပွားမှု ကို ဖြေရှင်းပေးရာမှာ အသုံးဝင်လှပါတယ်။ ဥပမာအားဖြင့် kaymu.com.mm မှာဆိုရင် ရောင်းချသူတွေဟာ return policy တစ်ခု ထားရှိကြရပါတယ်။ အဲဒီကြားထဲကမှ အငြင်းပွားမှု ထပ်မံပေါ်ပေါက်နေသေးတယ်ဆိုရင်လည်း ပြေလည်မှု တစ်ခု ရရှိတဲ့အထိ ညှိနှိုင်းပေးပါတယ်။

Thiha Bo Bo
Myanmar End User ကို အကောင်းဆုံးဖြစ်အောင် တင်ဆက်ပေးသွားပါ့မယ်... ကျွန်တော်နဲ့အတူ Blogger life ကို စိတ်ဝင်စားသူများ Guest blogger များကိုလည်း Myanmar End User မှာ ဝင်ရောက်ရေးသားဖို့ ဖိတ်ခေါ်ပါတယ်...
http://www.myanmarenduser.com

Similar Articles

Leave a Reply

This site uses Akismet to reduce spam. Learn how your comment data is processed.

Top